Ég hef verið forfallinn veiðimaður síðan ég man eftir mér, sem barn veiddi ég talsvert í Apavatni, Brúará og fleiri stöðum í uppsveitum Árnessýslu þar sem ég ólst upp. Ég byrjaði frekar seint að veiða á flugu en það var ekki aftur snúið þegar ég náði tökum á köstunum. Ég byrjaði að leiðsegja þegar ég var 13 ára, aðallega í Brúará en einnig í Apavatni, Hólaá og Þingvallavatni. Það var frekar fyndið að hugsa til baka að vera svona ungur að leiðsegja, en það gekk ágætlega. Fljótlega eftir bílprófið fór ég að leiðsegja í laxinum og hef ég gert það um land allt, ég enda samt alltaf í silungnum þar sem mér finnst hann mun skemmtilegri fiskur en laxinn – þá sérstaklega bleikjan!

Þessi vefsíða hefur verið nokkur ár í kollinum á mér en ég ákvað að það var kominn tími til að láta vaða. Hér er allskonar fróðleikur um veiði og vonandi nýtist hann.